Një grup aziklkërkuesish në një qendër refugjatësh në Venecia të Italisë i kanë vënë zjarrin objekteve duke bllokuar brenda zyrave punonjësit socialë. Mediat shkruajnë se trazirat janë nxitur nga vdekja e një refugjateje në kamp.

Ngjarja ka ndodhur mbrëmjen e së hënës, ku rreth 25 punonjës socialë u bllokuan brenda zyrave, pasi emigrantët i vunë zjarrin objekteve në kamp. Gjithashtu edhe energjia elektrike u ndërpre nga emigrantët, shkruan RT.

Forcat speciale të policisë dhe të sigurisë shkuan menjëherë në vendin e ngjarjes duke vënë nën kontroll situatën. Fatmirësisht asnjë nga punonjësit në kamp nuk mbeti i plagosur.

Trazirat në kamp shpërthyen pasi një emigrante 25 vjeçare nga Bregu i Fildishte, identifikuar si Sandrine Bakayoko ndërroi jetë në kamp. Ajo u gjet pa ndjenja në banjo dhe dyshohet se vdiq për shkak të vonesës për ndihmë mjekësore. /albeu.com/