Ylli i serialit "Sex and the City" nuk e kupton pse votuesit në anketën e revistës "Maxim" e kanë zgjedhur mu atë femrën më së paku seksipile në botë. Sarah Jessica Parker (43-vjeçare) thotë se rezultati i anketës është brutal dhe e ka prekur shumë atë, por edhe bashkëshortin e saj, Matthew Broderick, sepse ka filluar ta vërë në dyshim shijen e tij. "A i kam gjinjtë e mëdhenj prej silikoni, botox për buzë të fryra? Jo s'kam. Nuk u përshtatem disa standardeve të revistave për femra. A për këtë arsye qenkam femra më pak seksi në botë? Kjo është brutale dhe më ka shokuar", tha Sarah për revistën "Grazia".