Nard Ndoka nuk përmbahet, thumbon ashpër Ramën: Çfarë nuk pret nga një b...q

Më 30 korrik pritet të votohen në Kuvend ndryshimet kushtetuese në lidhje me listat e hapura dhe heqjen e koalicioneve.

Opozita e Bashkuar vazhdon të jetë kundër këtij ndryshimi ndërkohë kryeministri Rama duket i qartë dhe i vendosur për t’i shkuar në fund këtij vendimi.

Në lidhje me këto ndryshime, ka reaguar edhe ish-deputeti Nard Ndoka i cili në lidhje me këtë situatë ka treguar një “përrallë” shumë interesante dhe shumë thumbuese.

Postimi i Nard Ndokës në Facebook:

🔴Më pyeti një mik sot:
– Çfarë do të bëhet më 30 korrik?
– Se di, – i thashë, por po të tregoj një histori të vjetër.

Një fshatar kishte një pendë qe, që punonte tokën me to.
Njëri prej tyre, i ngordhi. Shkon fshatari në treg për të blerë një ka tjetër. Shikon andej e këtej dhe i pëlqen një laraman.
Bën pazar me të zotin dhe bie dakort për çmimin.
Në fund kujtohet dhe e pyet:

– A punon ky ka që po marr?
– Po, – i thotë fshatari, por është pak bq..!
E merr ky, shkon në arë dhe e fut në parmendë me kaun tjetër, fillon punën dhe për dy orë çdo gjë shkon mirë.
Mbas dy orësh, ky kau që bleu, shtrihet në tokë dhe nuk ngrihej më të punonte tokën.
I binte fshatari me hostenin e gjatë, e thumbonte me thumbin në majë, por nuk lëvizte që nuk lëvizte kau nga vendi.
Në darkë, i shkon fshatari të zotit të kaut tek shtëpia.

– O zotëri,- i thotë, kau që të bleva, punoi vetëm dy orë dhe u shtri në tokë pastaj.
– Po, të tregova se është pak bq, – i thotë fshatari.
– Atë e kuptova,- i thotë ky, por nuk më prish shumë punë, se është bq, por nuk po punon.
– Epo, çfarë nuk pret nga një bq,- i përgjigjet fshatari.

– Ok, të kuptova,- më tha miku im. Po shkonte rrugës, tundte kokën dhe qeshte me vete!😉