Martohet vajza e Bill dhe Hillari Klintonit
Albeu.com
Disa përfaqësues të lartë të jetës politike dhe shoqërore në Shtetet e Bashkuara, pritet që sot do të marrin pjesë në ceremoninë e martesës së Çelsi Klintonit, që është vajza 30 vjeçare e Bill dhe Hillari Klintonit.
Ajo martohet me partnerin e saj shumëvjeçar, Marc Mezvinsky, me profesion bankar investues, në shtetin Nju Jork. Veç prindërve të vajzës, ish presidentit amerikan, Bill Klinton, dhe sekretares amerikane të shtetit, Hillari Klinton, në dasmë do të marrë pjesë edhe ish sekretarja amerikane e shtetit, Medlin Ollbrajt, regjisori i njohur, Stiven Spilberg, moderatorja e popullarizuar televizive, Oprah Winfrey, e të tjerë.
Autoritetet e aviacionit e kanë shpallur zonë të ndalimit të fluturimeve të aeroplanave, hapësirën mbi vendin ku mbahet dasma.
Shtuar më 31/07/2010, ora 11:02
Tage: arkiv
Shkruani komentin tuaj!
Të fundit nga kjo kategori