Jennifer Lopez drejt falimentimit
Jennifer Lopez dhe Casper janë në lidhje prej pak kohësh, dhe me sa duket diva e ka humbur krejtësisht kokën pas balerinit 24-vjeçar. Miqtë e saj kanë frikë se ai do ta shfrytëzojë atë dhe e këshilluan këngëtaren që të qëndrojë larg tij. Por, Jennifer i ka kundërshtuar dhe nuk ua ka vënë veshin këshillave.

Duke marrë parasysh se ajo është lodhur duke paguar darka vazhdimisht, miqtë në kofidencë tregojnë se ajo kishte vendosur që t’i japte të riut ‘para xhepi’ prej 10 mijë dollarësh. Megjithatë, balerini është shpenzues i madh dhe vazhdimisht po i kërkon shumë e më shumë para.

"E shfrytëzon që të pasurohet dhe të bëhet i famshëm, ndërsa ajo është aq e dashuruar sa nuk e kupton. Familja dhe miqtë e kanë paralajmëruar për këtë, por nuk dëshiron t’i dëgjojë ata", ka thënë një burim për revistën “Star”.


Miqtë e saj janë të bindur se ai do të largohet nga ajo sapo ai të bëhet i pasur. "Ai i ka marrë të gjitha kontaktet e saj të biznesit dhe e ka ndarë nga miqtë të cilët e kanë paralajmëruar për atë se kush është ai në të vërtetë. Lopez tani ka mbetur vetëm me të dashuritn të cilit i beson verbërisht", ka shtuar burimi.


Me sa duket këngëtarja është në prag të falimentimit pas shpenzimeve të Casperit. Balerini vijon të shpenzojë pa kontroll, kurse këngëtarja vazhdon të paguajë gjithmonë. /albeu.com/
Shtuar më 08/03/2012, ora 12:15

Shkruani komentin tuaj!
Të fundit nga kjo kategori