Edin Dzeko ka lëshuar disa kritika për skuadrën e tij, pas humbjes kundër Sevilla.
Ylli i Romës, Edin Dzeko, ka kritikuar paraqitjen e skuadrës së tij, duke lënë një pjesë të fajit edhe te trajneri Paulo Fonseca.
Sipas Dzeko, taktikat e Romës ishin të gabuara, pasi skuadra nuk pati mundësi të përfshihej në lojë për 90 minuta, duke provuar gjithnjë mënyrën e njëjtë.
“Gjithçka. Gjithçka. Ne nuk ishim kurrë në lojë, nga fillimi deri në minutën e fundit”, ka thënë Dzeko, i pyetur se çfarë e zgjënjeu atë më shumë.
“Na shkatërruan në secilën zonë. Ishin më të përgatitur, luajtën më mirë, më në formë. Gjithçka”, shtoi sulmuesi i ‘Giallorossi’.
Roma tashmë është jashtë garave dhe i mbetet të mendojë vetëm për sezonin e ardhshëm.
