E FUNDIT/ Të shtëna me armë në Tiranë
Hajduti arrestohet në shtëpinë e Madonës
Madonna
Një polak është arrestuar nga policia britanike me akuzën e vjedhjes, pasi u gjet në shtëpinë me vlerë 10 milion stërlina të Madonës në Londër.
Grzegorz Matlok, 29 vjeç, u njoh me akuzat sot, në gjykatën e Uestminsterit. Ai u kap brenda banesës së mbretëreshës së popit në mëngjesin e ditës së shtunë, pasi sistemi i alarmit njoftoi policinë e Londrës.

I veshur me syze të errta dhe një kostum sportiv, polaku u shfaq i ftohtë në gjykatë, ndërsa një përkthyes i njoftoi hapjen e procedimit. Ai i bëri rezistencë arrestimit të ndodhur brenda shtëpisë me dhjetë dhoma gjumi të këngëtares.

Madona dhe katër fëmijët e saj ishin të gjithë në Shtetet e Bashkuara të Amerikës kur ndodhi vjedhja. Këngëtarja udhëtoi në Miçigan, për të respektuar kujtimin e gjyshes së saj Elsie Mae Fortin, e cila u nda nga jeta javën e shkuar./albeu.com/
Shtuar më 14/03/2011, ora 19:05

Shkruani komentin tuaj!
Të fundit nga kjo kategori