Gjebrea kërkon "ti marrë" Gymyshin Mehmetit
Qarkullon ende në formën e një thashethemi korridoreve të televizionit “Klan”, plani i Ardit Gjebresë për të ftuar në natën finale të “Këngës Magjike”, aktoren e famshme turke, Songül Öden, e cila është kthyer në idhullin e shqiptarëve me emrin Gymysh.

Aktorja e njohur mësohet të ketë marrë një ftesë nga producenti Gjebrea dhe ky fakt konfirmohet nga burime të afërta pranë kantautorit. Siç mësohet, nga celulari i Gjebresë bëhen thuajse çdo ditë, telefonata drejt një numri turk, i cili është numri i Gymyshit, raporton Gazeta Shqiptare në suplementin e saj "Bluetooth".

Vetë Gjebrea i pyetur nga “Bluetooth” lidhur me këtë situatë, nuk pranon të bëjë asnjë koment, ama bashkëpunëtorët e tij të afërt në spektaklin “E Diela Shqiptare”, ndajnë me ne një sekret. Gymyshi aktualisht është në xhirimet e telefilmit të famshëm amerikan “Shtëpiake të dëshpëruara”, i cili do të vijë këtë herë në versionin turk. Të njëjtat burime saktësojnë se përveç rolit kryesor në këtë serial, Gymyshi është aktorja më e kuotuar në tregun e kinematografisë turke.

Xhirimet e serialit janë duke u kryer këto ditë dhe se sa do t’ia dalë Gjebrea t’ia sjellë Gymyshin në skenën e “Këngës Magjike”, mbetet për t’u parë sepse ky eveniment ka sjellë çdo vit supriza të këndshme për shikuesit. /albeu.com/
Shtuar më 10/11/2011, ora 13:48
Shkruani komentin tuaj!
Të fundit nga kjo kategori