E FUNDIT/ FSHF shkarkon Panuccin
Bertani: Krenar që çova Mikrofonin e Artë nga Tirana në Shkup
Albeu.com
Në zemrën time? Tani për tani vetëm mami, babi dhe ...nga Elona Demollari
Fituesi i MIA 2007: Në zemrën time? Tani për tani vetëm mami, babi dhe vëllai..
Bertani ndihet mirë jo vetëm që ka marrë çmimin e parë, por edhe që është i pari këngëtar shqiptar i Maqedonisë që merr një çmim të parë në një festival në Tiranë. E takuam Bertanin në hotelin ku qëndronte në Tiranë, pasi gabuam dy herë adresë. Ende nuk është mësuar me Tiranën.. Duket shumë i dashuruar me familjen e tij, vëllain, nënën, babanë lidhjen me të cilët e përmend shumë shpesh gjatë intervistës. I bashkohemi urimeve për fituesin e Mikrofonit të Artë 2007 dhe ju urojmë fansave të tij, lexim të këndshëm!

Jeni fituesi Mikrofonit të Artë 2007, çfarë do të thotë kjo për Bertanin?

Kam fituar shumë çmime të tjera, por me këtë është ndryshe. Po e ndjej veten shumë mirë. E falënderoj nga zemra Mikrofonin e Artë për përkrahjen dhe sigurisht për çmimin. Mund të them është një festival shumë i mirë dhe që mundëson promovimin e denjë të këngëtarëve dhe këngëve. Po më pëlqen shumë si festival...

A është ndjekur me interes MIA nga fansat tuaj në Maqedoni?

E kanë ndjekur dhe të nesërmen kur jam kthyer në Shkup shumë shokë më kanë dhënë urime. Të gjithë, dhe këngëtarët ishin shumë të lumtur që unë isha i pari. Jo vetëm për çmimin, por jam i pari nga këto treva deri tani që kam marrë një çmim të parë në një festival që organizohet në Shqipëri.

Nga kush u ka ardhur mesazhi i parë i urimit?

Nga vëllai. Ka qenë i pari që ka marrë në telefon dhe më ka uruar.

Ka diçka që do të donit të ndryshonte në edicionin e ardhshëm të MIA?

Të jetë në një vend të mbyllur, jo në një shesh të hapur. Ndërsa gjithë të tjerat ishin mirë, organizimi ishte i mrekullueshëm.

Kohët e fundit shumë këngëtarë janë prirur drejt muzikës komerciale apo asaj të vjedhur. Ti vetë do e bëje diçka të tillë vetëm për para?

Asnjëherë. Unë kam studion time dhe nuk besoj se do ketë një këngë që do e vjedh. Çdo herë mundohem të bëj një këngë që të jetë 100% e imja

Cila është rryma muzikore që Bertani nuk do eksperimentonte kurrë?

Nuk mund të them s`do këndoj. Jam këngëtar dhe kompozitor që gjithçka mund të këndoj, por ka një stil që s´do e këndoja kurrë, muzikën metal. Ndërsa të gjitha rrymat e tjera mund ti kendoj dhe mund ti kompozoj.

Ju flisni mirë turqisht. Mësuam se nëna juaj është turke. Ka tentuar Bertani të këndojë në turqisht?

Kam marrëveshje dhe në Turqi, të bëj një album. Janë këngë të kompozuara nga unë dhe vëllai. Disa të tjera janë të kompozuara nga kompozitorë turkë. Kur të nxjerr këtë album, jam i sigurt që Shekulli do jetë i pari që do vihet në dijeni. (qesh).

Ndiheni i vlerësuar nga publiku dhe tregu shqiptar i muzikës?

Nëse s`do isha i vlerësuar, nuk do këndoja. Nuk do kisha karrierë, albume, videoklipe etj.

Po në tregun maqedonas?

Publiku maqedonas mund të them që më njeh. Kam marrë pjesë në disa shou televizivë të njohur në Maqedoni dhe atje kam kënduar këngët e mia.

Cili është projekti më i afërt i Bertanit?

Jemi duke përgatitur një projekt shumë të madh. I pari do të jetë realizimi i një singëlli me videoklip të ri dhe avash- avash duke përgatitur albumin e tretë. Të tjerat janë akoma sekret (qesh).

Veç muzikës çfarë e lidh tjetër Bertanin me Tiranën?

Më shumë po vij për punë. Ka pasur dhe raste kur kam ardhur për 2- 3 ditë për të shëtitur dhe për të dalë me shoqërinë, por gjithsesi më shumë jam për punë.

Kush është në zemrën e Bertanit?

Tani për tani nuk është askush. Por, kam tre persona që janë në zemrën time gjithmonë, famlja ime: mami, babi, vëllai, por...s`dihet...

Kujt i është dedikuar kënga fituese e MIA?

Thjesht kemi bërë tekstin me autorin e tekstit. Menduam të bëjmë diçka ndryshe, sa më interesante, por mos mendoni se i është dedikuar dikujt.



Në projekt një përmbledhje me 12 këngëtarë Tiranë-Prishtinë-Shkup

Studioja e Bertanit po bën 6 muaj që është hapur. Është studio filmike, pra që prodhon dhe videoklipe. Në këtë studio po realizohen këngë të vetë Bertanit dhe të këngëtarëve të njohur nga Shqipëria, Maqedonia dhe Kosova, por ai nuk pranon që tani të përmendë emra. Në këtë studio po incizohen dhe videoklipe dhe së fundmi janë duke inçizuar dhe klipin e ri të Bertanit. Por, këto janë vetëm projektet e para. Është menduar që për verën e ardhshme kjo studio t’u ofrojë dëgjuesve të muzikës një përmbledhje muzikore me 12 këngë të këngëtarëve të njohur nga Maqedonia, Shqipëria dhe Kosova. Madje për realizimin e tij do të bashkëpunohet me producentët më të mirë të këtyre trevave.

PYETËSORI I PRUSTIT

Çfarë është lumturia absolute për ju?

Kur bëj një këngë dhe del shumë e mirë

Çfarë ju bën të zgjoheni në mëngjez?

Në mëngjez më zgjon vëllai, më çon me zor (qesh)

Hera e fundit që keni qeshur me shpirt?

Gjithmonë qesh me shpirt

Tipari kryesor i karakterit tuaj?

Kur jap fjalën, e mbaj

Defekti juaj kryesor?

Nuk kam fare durim

Ndaj cilave gabime jeni më tolerant?

Atyre që bëhen pa dashur

Me cilat personalitete identifikoheni më shume?

Me babain tim, për mua ai është personaliteti i vetëm që njoh për të tillë

Cila është hera e fundit që jeni përlotur?

Ka shumë kohë që s`jam përlotur dhe nuk më kujtohet

Shkrimtari juaj më i dashur?

Mark Tuen me Tom Sojerin...

Cilin virtyt vlerësoni më shumë tek një burrë?

Karakterin

Tek një grua?

Karakterin, bukurinë

Kënga që fërshëlleni kur bëni dush?

Ka shumë

Filmi që ju la mbresë të thellë?

“Gothica“, “Ëedding Chrashers“

Piktori juaj i dashur?

Leonardo daVinci

Ngjyra juaj e preferuar?

E kuqja, e bardha, e zeza

Kë konsideroni si suksesin tuaj më të madh?

Faktin që kam hapur një studio timen

Çfarë është ajo për të cilën pendoheni më shumë?

Shpesh pendohem kur hrefuzoj ftesa të ndryshme

Çfarë urreni më shumë në këtë botë?

Të më gënjejnë dhe të më përflasin prapa krahëve

Kur nuk këndoni çfarë ju pëlqen të bëni?

Shikoj filma, luaj futboll

Frika juaj më e madhe?

Prej Zotit kam frikë

Si do të dëshironit të vdisnit?

I qeshur (qesh)

Po të ndodhte të takonit Zotit, çfarë do ju pëlqente t’ju thoshte?

„Më fal gabimet që kam bërë.“

Në çfarë gjendjeje shpirtërore gjendeni kohët e fundit?

Shumë mirë
Marre nga Shekulli
Shtuar më 10/11/2007, ora 16:12
Tage: arkiv
Shkruani komentin tuaj!
Të fundit nga kjo kategori