Një futbollist ka diçka më shumë në krahasim me meshkujt e tjerë? Revista italiane“Vero” ia ka drejtuar pyetjen tendencioze Aida Yespica, përgjigja e të cilës mund të konsiderohet pa dyshim si risi: “Më parë do të isha përgjigjur pa dyshim po, tani jo më. Mjaft me futbollistët”.

Mesa duket bukuroshja, e cila është e famshme për historitë dhe flirtet me meshkuj të këtij profesioni, duket se ka hequr dorë nga ata që futbollin e kanë punë. Edhe pse duket e vështirë, modelja e njohur paska ndryshuar mendim.

Madje, Aida, e cila shumë shpejt do të shfaqet në “reality show”- n e njohur, “Isola dei Famosi”, ka siguruar se nuk ka filluar një histori dashurie me Cristian Vierin, ish-futbollistin e Inter dhe Milan, me të cilin është fotografuar kohët e fundit ndërsa ishte me pushime në bregdet.

“Në këtë periudhë jam shumë e lumtur, por jo sepse jam e lidhur me Bobon. Atë e njoh prej shumë kohësh, është një njeri i mrekullueshëm dhe një mik i mirë”, është shprehur bukuroshja kolumbiane.

Po atëherë, cili është mashkulli special i Aidës? Ndoshta djali i saj Aron, i cili aktualisht është 3 vjeç dhe është fryt i dashurisë së saj me ish-futbollistin e Milanit, Mateo Ferrari. Pastaj, nëse ka ndonjë flirt të ri, herët a vonë do ta marrim vesh ... /albeu.com/