Uber humb më shumë se 1 miliard dollarë për tremujor
Pëlqej
Tërheqja e Uber nga biznesi global vazhdoi të hënën pasi kompania njoftoi se ishte duke shitur biznesin e saj të Azisë Juglindore tek rivali i saj i bazuar në Singapor, Grab.

Marrëveshja i jep Uber aksione prej 27.5 për qind në Grab dhe ia fiton drejtorit të saj, Dara Khosrowshahi, një vend në bordin e drejtorëve të Grab.

Uber po tërhiqet nga Singapori, Indonezia, Filipinet, Malajzia, Tailanda, Vietnami, Myanmar dhe Kamboxhia.

Sipas Bloomberg, kjo përfaqëson një rajon prej 620 milion njerëzish. Marrëveshja përfshin operimin e UberEats.

Bloomberg gjithashtu tha se marrëveshja u ndërmjetësua nga firma japoneze Softbank, e cila është aksioneri më i madh në të dy kompanitë, shkruan Telegraf.

Uber ka qenë e detyruar të ngushtojë ambiciet e saj për zgjerim të biznesit, sepse kompania nuk mund të përballojë të vazhdojë të humbasë paratë si deri më tani. Uber humbi më shumë se 1 miliard dollarë për tremujor në 2017. /albeu.com/

Shtuar më 01/05/2018, ora 10:25
Shkruani komentin tuaj!
Të fundit nga kjo kategori