Tesla blen 1.5 miliard dollarë bitcoin, planifikon të fillojë ta pranojë atë si pagesë
Tesla ka njoftuar sot se ka blerë Bitcoin me vlerë 1.5 miliard dollarë.

Në një regjistrim me Komisionin e Letrave me Vlerë dhe Shkëmbim, kompania tha se bleu bitcoin.

Gjiganti amerikan i veturave elektronike Tesla ka investuar 1.5 miliard dollarë në vlerë të Bitcoinit.

Tesla ka deklaruar se për "më shumë fleksibilitet për të diversifikuar më tej dhe për të maksimizuar kthimet e parave tona", shkruan ‘nbcnews’.

Tesla gjithashtu tha se do të fillojë të pranojë pagesa në bitcoin në këmbim të produkteve të saj, e kjo do ta bënte Tesla prodhuesin e parë të madh që pranoi ta bëjë këtë.

Lëvizjet ngritën pyetje të menjëhershme rreth sjelljes së CEO, Elon Musk në Twitter javët e fundit, ku ai është kredituar për rritjen e çmimeve të kriptmonedhave si bitcoin dhe dogecoin duke postuar mesazhe pozitive që kanë inkurajuar më shumë njerëz të blejnë monedhat dixhitale.

Dy javë më parë, pronari i Tesla ka shkruar hashtag #bitcoin në bio’n e tij në Twitter.

Çmimet e Bitcoin u rritën në ngritjet e reja të hënën pas njoftimit të Tesla, duke arritur një çmim prej të paktën 44,200 dollarë.

Aksionet e Tesla-s u rritën më shumë se 2.5 përqind në tregtinë paraprake. Tesla paralajmëroi investitorët për paqëndrueshmërinë e çmimit të bitcoin në paraqitjen e saj SEC.

Lëvizja e Tesla-s në bitcoin, përfaqëson një investim të një përqindje të konsiderueshme të parave të gatshme në investim.

Kompania kishte më shumë se 19 miliardë dollarë para të gatshme dhe ekuivalente të saj në fund në fund të vitit 2020, sipas regjistrimit të saj më të fundit.
Shtuar më 08/02/2021, ora 17:19

Shkruani komentin tuaj!
Të fundit nga kjo kategori