Së fundmi, Mercedes-Benz mori pjesë në një sfidë projektimi të quajtur Konkursi i Dizajnimit Los Anxhelos 2012. Qëllimi i projektimit ishte dizajnimi i një automjeti për policinë rrugore amerikane për vitin 2025. Me sa duket, ideja e së ardhmes për Mercedes-Benz-in është më shumë se një e ardhme post-apokaliptike, sepse koncepti i makinës është një 4 x 4 masive, shkruan krokodili.com.

Automjeti quhet Ener-G-Force dhe Mercedes thotë se automjeti është projektuar për rrugë me trafik të madh, që monitorohet në mënyrë elektronike, për një popullsi më të madhe dhe për t’u përballur me ndryshimet në sjelljen e njeriut. Mercedesi mendon se aktivitetet në natyrë do të dominojnë kohën e lirë dhe për këtë arsye, një mjet për oficerët e policisë e aftë për të udhëtuar në të gjitha sipërfaqet është e nevojshme.

Makina koncept u frymëzua nga G Class.

Makina ka rrota 50 cm dhe në pjesën e pasme të automjetit ndodhet një kuti projektuar për të mbajtur një shumëllojshmëri pajisjesh, pa pasur nevojë për të hapur derën e pasme. Makina ka katër motorë elektrikë në secilën rrotë. Shanset që kjo makinë të shkojë për prodhim praktikisht nuk ekzistojnë, por është mahnitëse të shohësh një makinë kaq interesante.