Një shqiptar vetëm 21 vjeç, është përfshirë mbrëmjen e djeshme në një aksident tragjik në Greqi, i cili ka rezultuar fatal për jetën.
Ngjarja ka ndodhur gjatë orëve të mbrëmjes të së enjtes në vendin e quajtur Perama në ishullin e Mitilinit.
Sipas policisë lokale, gjatë aksidentit kanë humbur jetën dy persona, njëri prej të tyre dhe 21 vjeçari i identifikuar si Salea Hamzai, ndërsa pak më vonë humbi jetën në spital edhe 19 vjeçari grek.
Sipas policisë, viktimat po udhëtonin me motorë në aksin Papadhou-Perama, një prej arterieve kryesore të ishullit të Mitilinit, në kohën që u përplasën me njëri tjetrin.
Ngjarja ka tronditur komunitetin shqiptar në ishullin e Mitilinit. Ata thonë se viktima është djalë i një familje me reputacion të mirë në ishull.