Magjia e qytetit Reine në Norvegji (FOTO LAJM)

Në ishujt Lofoten të Norvegjisë, ndodhet qyteti Reine, i cili karakterizohet nga një tipar ndryshe nga vendet e tjera. Shtëpitë në këtë qytet janë kryesisht ngjyrë vishnjë që dallojnë gjatë dimrit nga bora, e cila mbulon shpatet e malit Reinebringen që duket në sfond.

Edhe pse konsiderohet si një nga pjesët më të paarritshëm të vendit vizitohet nga mijëra turistë çdo vit. Sepse në këtë pikë të vogël në hartë, ndodh diçka magjike sa herë që bie terri.

Reine kemi shfaqjen më mbresëlënëse të fenomenit natyror që quhet “Dritat e veriut”. Dritat e veriut janë një nga fenomenet më të rëndësishme natyrore, pasi qielli mbushet plot ngjyra dhe forma të ndërlikuara.

Ky fenomen natyror është kaq i famshëm, sa që organizohen udhëtime të veçanta për turistët që duan të shohin spektaklin nga afër.

Ky fenomen është i njohur që nga lashtësia dhe vëzhguesi i parë thuhet se është Aristoteli. Ky është një fenomen që krijohet nga përplasja e grimcave të ngarkuara (kryesisht elektronet dhe protonet) nga hapësira, të cilat bllokohen në fushën magnetike të tokës, lëvizin drejt Polit të Veriut, dhe më në fund reagojnë me grimcat e ajrit.

Le të mos ecim më tej me shpjegimet shkencore, por do t’ju themi se “aurora borealis” (dritat veriore), të cilat shfaqen zakonisht në vendet nordike e kanë prejardhjen e emrit nga perëndesha romake e agimit, “Aurora” dhe nga zona gjeografike e Veriut. /albeu.com/
Shtuar më 14/06/2016, ora 11:49
Shkruani komentin tuaj!
Të fundit nga kjo kategori