E kafshon pitoni, ja si hakmerret (VIDEO)
Një britanik është personi i cili duket se nuk i ka frikë gjarpërinjtë, nëse ne do të nguronim që ti afroheshim një gjarpri 4 metra të gjatë dhe rreth 22 kilogram, ky bën përjashtim.

49 – vjeçari Karl Davies u kafshua nga një piton teksa ndodhej në Hong Kong dhe pasi mori mjekimin e nevojshëm, vendosi që të rikthehej në vendngjarje për t’u hakmarrë ndaj zvarranikut gjigand.
Biznesmeni britanik qëndroi për 6 orë në spital, pasi gjapri e kafshoi në këmbë dhe u përpoq që të mbështillej rreth tij.

Pavarësisht rrezikut që iu kanos, babai i dy fëmijëve arriti që të shpëtonte dhe pasi kontaktoi me ekspertin për kapjen e gjarpërinjëve, Dave Willott, i cili jetonte aty pranë dhe u rikthye në vendin ku u sulmua.

Ata e gjetën pitonin në të njëjtin vend, e kapën nga koka dhe e futën në një thes. Më pas e mbajtën në krahë për gati 2 milje, derisa mbërritën në stacionin më të afërt policor.

Pitonët janë grabitqarët më të mëdhenj në Hong Kong dhe mbrohen me ligj. Gjarpërinjtë e kapur, zakonisht lëshohen sërish në zona pyjore.

Një zyrtar në Hong Kong, siç shkruan “DailyMail”, tha se pitoni i kapur nga biznesmeni britanik po monitorohej nga një qendër kafshësh. /albeu.com/

Shtuar më 18/06/2016, ora 14:51
Shkruani komentin tuaj!
Të fundit nga kjo kategori