“Vjedhja e 430 milionë eurove nuk do të ishte e mundur pa dijeninë e Edi Ramës,” PD publikon videon

Partia Demokratike vijon me nxjerrjen e fakteve që ajo zotëron në lidhje me zyrtarët e përfshirë në aferën korruptive të inceneratorëve.

Deputetja demokrate paraditen e sotme në rrjetet sociale ka publikuar një video që tregon përfshirjen e Ëngjëll Agaçit në aferën e inceneratorëve.

Zhupa përmes këtij video-mesazhi thekson se vjedhja e 430 milionë eurove nuk do të ishte bërë dijeninë e kryeministrit Edi Rama.

“Komisioni hetimor për inceneratorët ka faktuar se si qeveria Rama u vodhi 430 milionë euro shqiptarëve me aferën e inceneratorëve.

Zyrtaret e shtetit u injoruan në çdo kundërshtim për këte projekt.

Agjencia e Prokurimeve Publike ka njoftuar Ëngjëll Agaçin se procedura për inceneratorin e Elbasanit nuk është ligjore dhe pavarësisht kësaj, Engjëll Agaçi përgatiti VKM-në dhe kaloi mbështetjen financiare.

Në Agjencinë e Prokurimeve Publike, nuk ekziston asnjë procedurë koncesioni për Inceneratorin e Elbasanit.

Koncensioni i inceneratorit të Elbasanit i është dhënë Albtek Energy me “negocim pa shpallje”, procedurë që ligji nuk e parashikon, por që vendimi i Arben Ahmetajt ka dalë mbi çdo ligj dhe procedurë.

A ka shqiptar që e beson se një aferë ku është e përfshirë gjysma e qeverisë, bëhet pa miratimin e Edi Ramës?!

Asgjë nuk do të ishte e mundur pa dijeninë dhe miratimin e Edi Ramës.

Edi Rama është i korruptuar.

Qeveria e tij është e korruptuar.

Me këta në krye, Shqipëria nuk mund të ketë zhvillim”, thuhet në postim.

 


Shtuar 20.02.2022 11:10