Berisha: Varreza masive ne Dajt, 19 personat i ekzekutoi regjimi komunist

08.02.2010,  ora 20:31

Kryeministri Sali Berisha në mbledhjen e grupit parlamentar të Partisë Demokratike ka folur për zbulimin e varrezës masive në Dajt, duke e konsideruar si një ngjarje shumë të dhimbshme. Krue i qeverisë tha se 19 personat janë ekzekutuar nga regjimi i Enver Hoxhës."Janë gjetur trupat e 19 të ekzekutuarve. Nuk dihet koha. Janë këto të grupit të deputetëve, të ekzekutar pa gjyq, apo ngjarjeve të ambasadave, këtë do ta thonë analizat", theksoi ia. Sipas Berishës është e sigurt se ata janë ekzekutuar me një plumb pas koke. Kryeministri pohoi se pas analizave të AND-së do identifikohen viktimat.

Berisha tha se edhe pse ligji i lustracionit në konflikt të plotë u hodh poshte, demokracia mbi varre nuk mund të flerë. Kreu i qeverisë ka kërkuar ngritjen e Institutit të Kujtesës , të ngjashëm me institutin çek, që synon të zbardhë të vërtetën e barbarive të regjimit komunist. "Instituti ka të drejtën e dërgimit në Prokurori të materialeve që faktojnë krime të rënda, por s′ka të drejtë të ketë seksione prokurorie e gjykate", shtoi ai. Sipas kreut të qeverisë, Instituti me të vërtetat që do u japë shqiptarëve, mund të japë kontribut në ndarjen e shoqërisë shqiptare nga diktatura.

Ndër të tjera, në mbledhjen e grupit parlamentar të Partisë Demokratike Berisha ka deklaruar se ekonomia shqiptare ka nisur vitin me një "start të paprecedentë". Ai tha se në janar të 2010-ës janë rritur ndjeshëm eksportet në krahasim me 2009-ën.


Posto këtë artikull në:

editorial

Punon ministri apo jo?

nga Fatos Halili

nga Artan Fuga

Të fortët e qytetit

nga Kim Mehmeti

Kah vetvetja

nga Fatos Lubonja

O malet e Shqipërisë

1 foto sa 1000 fjalë

nga Eduard Pagria

receta gatimi

Krofne

barsoleta

Buzëqeshja e homoseksualit

Varësia nga droga

Msiti për katin e dytë

Unaza e vjedhur