Vejvoda: Tirana mund ndihmoje zgjidhjen e ceshtjes se Kosoves

12.03.2010, ora 17:54

Portali Albeu

Vizita e Zv.kryeministrit dhe Ministrit të Punëve të Jashtme të Shqipërisë Ilir Meta në Serbi është e rëndësishme për faktin se edhe Beogradi edhe Tirana, kanë vendosur që çështja e Kosovës rreth së cilës nuk pajtohen, të mos jetë pengesë për përmirësimin e ...... marrëdhënieve në të gjitha planet e tjera, thotë drejtori i Fondit Ballkanik për Demokraci, Ivan Vejvoda për gazetën "Politika", të cilën e transmeton QIK-u.
Duke folur për rolin e Shqipërisë për Kosovën, e cila u theksua si temë e rëndësishme në bisedimet shqiptaro-serbe në Beograd, Vejvoda tha se Ilir Meta ka "marrëdhënie shumë të afërt me Serbinë dhe autoritetet demokratike pas vitit 2000", duke rikujtuar se ai si Kryeministër deri në shkurt të vitit 20002 e pastaj deri më 2003 si ministër i Jashtëm ka qenë në vizitë në Beograd dhe ka zhvilluar marrëdhënie të mira edhe me kryeministrin e ndjerë Zoran Gjingjiq dhe me ministrin e atëhershëm të Jashtëm Goran Svillanoviq. "Kjo vizitë me të vërtetë ka ka kaluar mirë dhe paralajmëronte një sërë mundësish për bashkëpunim bilateral në fusha të ndryshme", vlerëson Vejvoda. Në konstatimin se Shqipëria megjithatë mbështet pavarësinë e Kosovës, Vejvoda tha se Tirana "mund të jetë dikush që qetëson situatën" megjithë sfidën e rëndë për "zgjidhjen e këtij problemi". Sipas tij, Tirana eventualisht mund të jetë "dikush që mund të ndihmojë në bisedimet e ardhshme për zgjidhjen e çështjes së Kosovës".

Posto këtë artikull në:

Lajmi është lexuar 471 herë dhe eshte komentuar 0 herë.

Komento:

VËREJTJE!

Komentet që përmbajnë fyerje, urrejtje racore, fetare dhe kombëtare, si edhe çdo lloj jotolerance,
NUK DO TË PUBLIKOHEN!!!

Mendimet e paraqitura në komente janë mendime private të autorëve të komenteve dhe nuk përfaqësojnë pikëpamjet e Redaksisë së portalit Albeu.

Ju lusim që të keni kujdes për rregullsinë gramatikore dhe drejtshkrimore të komenteve që i dërgoni.

Ju faleminderit për mirëkuptim!
Stafi i Portalit Albeu